તમારા માટે ગ્રીટિંગ્સ પણ અમારા માટે આજીવિકા

દિવાળી શુભેચ્છા આપવા માટે ક્રિએટિવ ગ્રીટિંગ્સ કાર્ડની માર્કેટમાં ખૂબ ડિમાન્ડ હોય છે. ત્યારે શહેરમાં કેટલાક બાળકો એવા છે જે ભણતરની સાથે ગ્રીટિંગ્સ કાર્ડ બનાવીને પોતાના પરિવારને ઉપયોગી થાય છે. અમદાવાદની માનવ સાધના સંસ્થામાં સ્લમ એરિયાના લગભગ ૫૦ બાળકો એવા છે ે જે એજ્યુકેશન સાથે દિવાળી ગ્રીટિંગ્સ કાર્ડ બનાવીને પોતાના પરિવારને આર્થિક રીતે મદદરૃપ થાય છે. આ અંગે માનવ સાધનના કો- ઓર્ડિનેટર શીરીષ ડાભી કહે છે કે, ચાઇલ્ડ લેબર રોકવા માટે આ એક સ્પોટિંગ એજ્યુકેશન પ્રોગ્રામ છે.
અમદાવાદમાં કેટલાક બાળકો એવા છે જે ભણતરની સાથે દિવાળીના ગ્રીટિંગ્સ કાર્ડ બનાવીને દિવાળીના તહેવારમાં રૃ.૨૫૦૦થી રૃ.૫૦૦૦ સુધીની કમાણી કરીને પરિવારને મદદરુપ થાય છે

જેમાં બાળકો ભણવાની સાથે ક્રિએટિવ વર્ક કરીને પોતના ફેમિલીને સપોર્ટ કરે છે. દરેક બાળકો પોતાની સ્કીલ પ્રમાણે ગ્રીટિંગસ્ કાર્ડ બનાવે છે. આ અંગે ૬ ધોરણમાં ભણતો ચિરાગ બારોટ કહે છે કે, હું બાળમજૂરી કરવાને બદલે ભણતરની સાથે ક્રિએટિવ વર્ક કરીને મારા પરિવારને દિવાળીમાં મદદરૃપ બનું છું. આ બાળકો ખાદીના હેન્ડમેડ કાગળમાંથી ગ્રીટિંગ્સ બનાવે છે. આખું કાર્ડ કટિંગ અને પેસ્ટિંગ કરીને જ બનાવે છે. બાળકો ૪૦ ડિઝાઇનમાં હેન્ડમેડ ગ્રીટિંગ્સ કાર્ડ બનાવે છે. જેની કિંતમ રૃ. ૧૦થી લઇને૧૮ સુધીની હોય છે. દિવાળીમાં આ બાળકો ભણતર સાથે સાથે રૃ. ૨૫૦૦થી ૬,૦૦૦ સુધીનું ક્રિએટિવ કામ પણ કરે છે.