આ વખતે માર્કેટમાં ડ્રાયફ્રુટ્સ અને સ્વીટના ભાવ ઉંચા હોવાથી દિવાળીમાં મોં મીઠું કરવા માટે મિઠાઇ ઓછીને મુખવાસ વધારે જોવા મળશે. અત્યારે બજારમાં મુખવાસની વિવિધ પ્રકારની વેરાયટીઓ આવી ગઇ છે. સ્વીટ, કરન્સી તથા ખાટામીઠા ફ્લેવરનો મુખવાસ માર્કેટમાં આવેલેબલ છે.
ઓછામાં ઓછા ૧૦૦ ગ્રામ મુખવાસના રૂ. ૧૦થી લઇને રૂ. ૨૦૦નો મુખવાસ માર્કેટમાં એવેલેબલ છે.
મુખવાસના વેપારી મનીષભાઇ શર્મા કહે છે કે, અત્યારે માર્કેટમાં પાન મુખવાસની વિવિધ વેરાયટીઓ તથા ડાયાબિટીસના દર્દીઓને ઘ્યાનમાં રાખીને લો કેલેરી મુખવાસ મળે છે. એન.આર.આઇ માટે ે પણ મુખવાસનો આનંદ માણી શકે તે માટે તાજા પાનની ખાસ નવી વેરાયટી બજારમાં આવી છે. આ પાનનો ટેસ્ટ ચાર મહિના સુધી તાજો રહે છે. અત્યારે માર્કેટમાં મુખવાસની ૪૦૦થી વધારે આઇટમો અવેલેબલ છે. જેમાં જામનગરી, તુલસી, ગ્રીન, ઇલાયચી, પાનચુરા, કલકતી મિક્સ, કલકતી ટુકડા, મદ્રાસી, ગોલ્ડન ખારેક, ગોલ્ડન રોયલ ખારેક, હજમા હજમ પાઉડર, પાન મુખવાસ બીડા, રોસ્ટેડ મુખવાસ વગેરે વેરાયટી હોટ ફેવરિટ છે. નાના બાળકો માટે ટીનીમીની મુખવાસ તથા અવનવા કલર્સ અને ટેસ્ટની ગોળીઓ ફેવરિટ છે. ઘણાં લોકો સોપારી વગરનો મુખવાસ ખરીદે છે તો સોપારી પ્રેમીઓ સ્પેશિયલ સોપારીના ટેસ્ટનો મુખવાસ ખરીદે છે.
આ અંગે મુખવાસના વેપારી રાજુ મકવાણા કહે છે, દિવાળીમાં લોકો પોતાની પસંદગી પાન- ખારેક પર વધારે ઉતારે છે, કારણ કે મુખવાસની વેરાયટીમાં પાન અને ખારેકનો ટેસ્ટ યુનિક છે. અત્યારે નવી વેરાયટીમાં પાન મુખવાસ બીડા, પાન પાપડ, ઇલાયચી દાળ મુખવાસ, ફ્રેશ પાન વગેરે જેવી પાનની વેરાયટી તથા ટાયાબિટીક પેશન્ટ માટે તલ- ગોઠલીનો મુખવાસ, આમળા, દાડમના રોયલ મુખવાસ, જામનગરી અને મિક્સ મુખવાસ જેવા લો- કેલેરીવાળા મુખવાસ ઉપલબ્ધ છે. ખારેકમાં પણ ૩૦થી વધારે વેરાયટી જોવા મળે છે. જેમાં પાન મસાલેદાર ખારેક, મસાલા ખારેક, હજમાહજમ ખારેક, ડાયેટ ખારેક વેગરે માર્કેટમાં વડિલો, બાળકો અને યંગસ્ટર્સની પસંદગી પ્રમાણેના મુખવાસ માર્કેટમાં મળે છે. બાળકો માટે દ્રાક્ષાવટી, લીબું, ઇમલી લાડુ, ઇમલી ગોળી, જીરા ગોળી, આમ ગોળી, અનારદાન જેવી ખાટીમીઠી ગોળીઓના મુખવાસ મળે છે. સોપારીના શોખીનો માટે કેસર લચ્છા, ગુલાબ, મિલ્કી, ચીકણી મીઠી, ખસ, કેવડા,કેસર ઇલાયચીની વેરાયટી જોવા મળે છે. આ ઉપરાંત મદ્રાસી રોસ્ટેડ, લખનવી, પાનચૂરા, રાજસ્થાની ટીનીમીની રેસા વિનાની વરિયાળી કુરિયા જેવી આઇટમો પ સોપારીમાં ઉપલબ્ધ છે.
તસ્વીર : સુરેશ મિસ્ત્રી
No comments:
Post a Comment