બાળ વૈજ્ઞાનિકોએ રજૂ કર્યા ઇનોવેટિવ મોડેલ

વિદ્યાપીઠના કેમ્પસમાં ચાઈલ્ડ સાયન્ટિસ્ટ કોન્ફરન્સ યોજવામાં આવી હતી જેમાં અમદાવાદ શહેરના બાળકોએ પોતાની જાતે જ જમીનના સ્ત્રોત પર ઈનોવેટિવ પ્રોજેક્ટ રજૂ કર્યા હતા

રોટી, કપડા અને મકાન માટે ભૂમિસ્ત્રોતોનું સદીઓથી દોહન થતું આવ્યું છે. જમીન પર માનવ જીવનની ગતિવિધીઓને જેવી કે શહેરીકરણ, ઔદ્યોગિકરણ તેમજ જમીનમાં માનવ સર્જિત ફિઝિકલ, કેમિકલ યુક્ત ફેરફારો વગેરેને કારણ ેઆપણી જમીનનું અધઃપતન થઇ રહ્યું છે. અમદાવાદની ગૂજરાત વિદ્યાપીઠ- વિનય મંદિર હાઇસ્કૂલમાં ૧૮મી નેશનલ ચિલ્ડ્રન સાયન્સ કોંગ્રેસ દ્વારા અમદાવાદ જિલ્લા સ્તરનું બાળ વૈજ્ઞાાનિકોનું સંમેલન મળ્યું હતું. જેમાં અમદાવાદના શહેરી વિસ્તાર અને ગ્રામ્ય વિસ્તારના ૧૦થી ૧૭ વર્ષના ૨૭૫ બાળકોએ ભૂમિના સ્ત્રોતો સમૃદ્ધિ માટે ઉપયોગ કરો, ભવિષ્ય માટે બચાવો વિષય પર પોતાની સ્થાનિક જમીનનું વૈજ્ઞાાનિક સંશોધન કરીને ઇનોવેટિવ મોડેલો રજૂ કર્યા હતા. બાળ વૈજ્ઞાાનિક સંમેલનમાં ટોટલ ૫૦ મોડેલો રજૂ કરવામાં આવ્યા હતા. જેમાં ૨૫ મોડેલ શહેરી વિસ્તારના અને ૨૫ મોડેલ ગ્રામ્ય સ્તરના હતા.


બાળકોએ જમીનના કાર્યો, જમીનની ગુણવત્તા, જમીન પર માનવ જીવનની ગતિવિધી, જમીનના સ્ત્રોતોનો ટકાઉ ઉપયોગ, જમીનની ઓળખ વગેરે પર પોતાના પ્રેઝન્ટેશન કર્યા હતા. દરેક બાળકોએ પોતાની સ્થાનિક જમીનનો પ્રશ્ર અને સ્ત્રોતો પર વૈજ્ઞાાનિક પ્રોજેક્ટ કરીને બાળ વૈજ્ઞાાનિક સંમેલનમાં રજૂ કર્યા હતા.

આ સંમેલનમાં અમદાવાદ શહેરની સ્કૂલના ૬ પ્રોજેક્ટ અને ગ્રામ્ય વિસ્તારની સ્કૂલના ૬ પ્રોજેક્ટની પસંદગી રાજ્ય સ્તરના સંમેલન માટે કરવામાં આવી છે.
તસ્વીર : સુરેશ મિસ્ત્રી