પેપર પલ્પના ઈકોફ્રેન્ડલી ક્રેકર્સ

આ વખતે દિવાળીમાં પર્યાવરણને ખાસ ધ્યાનમાં રાખીને માર્કેટમાં ઇકોફ્રેન્ડલી ફટાકડાની અવનવી વેરાયટી આવી છે. આ ઇકોફ્રેન્ડલી ફટાકડા વેસ્ટ પેપર પલ્પમાંથી બનાવવામાં આવે છે. જેમાં ચુનમુન કોઠી, ગુડીયા કોઠી, કલર બર્સ્ટ વગેરે વરાયટીઓ ખાસ છે. આ ઉપરાંત માટીની કોઠીમાં પણ વિવિધ પ્રકારની ફેન્સી વરાયટી ઉપલબ્ધ છે. માટીની કોઠીની વિશેષતા એ છે કે તેનો ફટાકડા તરીકે યુઝ કર્યા પછી તેનો ફલાવર વાઝ તરીકે પણ ઉપયોગ કરી શકાય છે. ડેઝમ ક્રિસ્ટલ કોઠીનો ફૂટયા પછી ફલાવર વોશ તરીકે વાપરી શકાય છે. આ અંગે ફટાકડાના વેપારી આશીષભાઈ ખજાનચી કહે છે કે, ''ઇકોફ્રેન્ડલી ફટાકડા ખાસ બાળકો ફોડી શકે એ ધ્યાનમાં રાખીને બનાવવામાં આવ્યા છે. કારણ કે આ ફટાકડામાં ધુમાડો ઓછો થાય છે. ઇકોફ્રેન્ડલી ફટાકડાની કિંમત એક બોક્સના રૃા. ૧૦૦થી લઈને રૃા. ૩૫૦ સુધી મળે છે.''

આ વખતે દિવાળીમાં પર્યાવરણને ખાસ ધ્યાનમાં રાખીને માર્કેટમાં ઇકોફ્રેન્ડલી ફટાકડાની અવનવી વેરાયટી આવી છે. આ ઇકોફ્રેન્ડલી ફટાકડા વેસ્ટ પેપર પલ્પમાંથી બનાવવામાં આવે છે. જેમાં ચુનમુન કોઠી, ગુડીયા કોઠી, કલર બર્સ્ટ વગેરે વરાયટીઓ ખાસ છે.

માર્કેટમાં આ વખતે ૧૦૦ સેમી લાંબી ફૂલજર, નાના છોકરા માટે જેલી પીઠોકના અવાજવાળી પેન્સિલ, સિલિન્ડર શેપમાં ફોક્સ કોઠી વગેરે નવી વરાયટી આવી છે. આતશબાજીમાં અવનવી રંગબેરંગી આઇટમો આવી છે. જેમાં મીયામી નાઈટ, મેલા, વર્લ્ડ વોર, વગેરે આ વખતે અવકાશી આતશબાજીમાં યુરોપિયન કન્ટ્રીના નામ પરથી વિવિધ વેરાયટી જોવા મળે છે. જેમાં પોલેન્ડ, ફિનલેન્ડ, સ્વીડન, નોર્વે, પીસી, હેલેન્સકી, બેક સ્કીટ બોય વગેરેનો સમાવેશ થાય છે. આ અંગે ફટાકડાના વેપારી અમિતભાઈ મોદી કહે છે કે, 'હવે ફેન્સી ફટાકડા માર્કેટમાં આવવાથી સાદા ફટાકડા અને લવીંગિયાનો વપરાશ બંધ થઈ ગયો છે. લોકો ફેન્સી અને રંગબેરંગી ફટાકડા જ પસંદ કરે છે. અવકાશી આતશબાજી એક નંગ રૃા. ૧૦૦ થી લઈને રૃા. ૧૦,૦૦૦ સુધીની રેન્જમાં મળે છે. જેમાં ૨૫ શોટથી લઈને ૧૦૦૦ શોટ મલ્ટી કલરમાં ફૂટે તેવી આતશબાજી અવેલેબલ છે. આ અંગે ફટાકડાના વેપારી જહીરૃદ્દીન સૈયદ કહે છે કે,
'આપણે અહીં ૯૫ ટકા ફટાકડા શિવાકાશીથી આવે છે અને માત્ર ૫ ટકા જ લોકલ આઇટમો વપરાય છે.જેની સામે ઈકો ફ્રેન્ડલી ફટાકડાની ડિમાન્ડ એજ્યુકેટેડ લોકોમાં વધુ જોવા મળે છે.''અત્યારે હેલ્થ કોન્સિયસ લોકોમાં અને આર્થિક સધ્ધર પરિવારમાં ઈકોફ્રેન્ડલી ફટાકડાનો ક્રેઝ જોવા મળે છે.
તસ્વીર : સુરેશ મિસ્ત્રી