વેકેશનમાં યંગસ્ટર્સ ગુજરાતમાં નવા તથા ઓફબીટ ટ્રેક્સ પર ટ્રેકિંગ કરવાનું પસંદ કરે છે આ ઉપરાંત હવે વેકેશનમાં યંગસ્ટર્સમાં દરિયાઈ મરીન ટ્રેકિંગનો ટ્રેન્ડ પણ જોવા મળે છે.
આ વર્ષે ગાંઘીનગર ખાતે આવેલા ઈન્દ્રોડા પ્રાકૃતિક ઉદ્યાનમાં દર વર્ષ કરતા ૭૦ ટકા વઘારો જોવા મળ્યો છે. પ્રકૃતિ પ્રેમીઓના સતત ઘસારાને કારણે આ વર્ષે ખાસ સિસ્મોલોજી મોડેલ્સ અને નદીઓના વર્ચ્યુઅલ મેપ્સ પણ ઈન્દ્રોડામાં મુકાવા જઈ રહ્યા છે. આ અંગે ઈન્દ્રોડા પાર્કના ડેપ્યુટી ડાયરેક્ટર એસ.બી.ગુર્જર કહે છે કે લોકોમાં ડિસ્કવરી અને નેશનલ જ્યોગ્રાફી ચેનલના કારણે પ્રકૃતિ પ્રત્યે એક અનોખી જાગુ્રતિ જોવા મળે છે. જેના કારણે આ વર્ષે માત્ર વાઈલ્ડ લાઈફ જ નહીં પરંતુ ઔષઘિય વનસ્પતિઓ,પ્રાગઐતિહાસિક યુગની માહિતી અને રેપ્ટાઈલ્સમાં લોકોને વઘુ રસ પડે છે.
આ અંગે જાણીતા ટ્રેકર રાજેન્દ્રસિંહ જાડેજા કહે છે કે, ‘વેકેશનમાં યંગસ્ટર્સ ગુજરાતમાં નવા તથા ઓફબીટ ટ્રેક્સ પર ટ્રેકિંગ કરવાનું પસંદ કરે છે આ ઉપરાંત હવે વેકેશનમાં યંગસ્ટર્સમાં દરિયાઈ મરીન ટ્રેકિંગનો ટ્રેન્ડ પણ જોવા મળે છે. તો વેકેશનમાં સાઇકલીંગના રસિયાઓ દરિયાકાંઠાના સાઇકલીંગ ટ્રેક પર સાઇકલીંગનો લ્હાવો લેવા માટે પણ જાય છે.જાબુઘોડા, પાવાગઢ, પોળોના જંગલો, ઇડર, અંબાજી,વેળાવદર, તારંગા, ધરોઈ ડેમ, જાસોર ગીરના જંગલો, પીરોટન વગેરે કારણ કે આ સ્થળોએ ટ્રેકિંગ કરવું હોય તો એક બે દિવસમાં જ પૂરું થઈ જાય છે. તેથી સમય અને પૈસા બંનેનો બચાવ થાય છે.
આ અંગે એડવેન્ચરના શોખીન ભરત જાદવ કહે છે કે, દિવાળીની રજાઓમાં યંગસ્ટર્સ ગુજરાત ઉપરાંત જયાલગઢ, પંચમઢી, આબુ, વિજયનગર વગેરે સ્થળોએ પણ ટ્રેકિંગ માટે જાય છે.’પ્રકૃતિપ્રેમી અને ટ્રેકર પ્રશાંત શાહ કહે છે કે અમદાવાદથી દોઢ એક કલાકના અંતરે આવેલું ઉત્કંઠેશ્વર મહાદેવનું સ્થળ યુવા ટ્રેકરો માટે હમણાં હમણાં જાણીતું બન્યુ છે. જ્યાં મેશ્વો નદીના કિનારે રેતીમાં ઊંટ સવારી કરવી અને નદીની કોતરો વચ્ચે ટ્રેકીંગ કરવાનો કંઈક અલગ જ આનંદ આવે છે. આ સ્થળ ઊંટડીયા મહાદેવ તરીકે વઘારે જાણીતું છે
તસ્વીર : સુરેશ મિસ્ત્રી
No comments:
Post a Comment