યંગસ્ટર્સ વેકેશનમાં પણ એકસ્ટ્રા નોલેજ મેળવવાનું પસંદ કરે છે

યંગસ્ટર્સ અને વેકેશનની વાત આવે એટલે મોજમસ્તી અને રખડપટ્ટી. વેકેશનમાં મોટાભાગના યંગસ્ટર્સ પીકનીક, સીનેમા, ટ્રાવેલીંગ કે પછી અજાણ્યા સ્થળે ફરવા જવાનું પસંદ કરતા હોય છે. સમગ્ર વેકેશન મોજમસ્તી અને દોડધામમાં જ પુરૂ કરે છે. પરંતુ કેટલાક યંગસ્ટર્સ એવા પણ છે જેઓ દિવાળીના ત્રણ-ચાર દિવસ એન્જોય કર્યા પછી ટાઈમ વેસ્ટ કરવાને બદલે કંઈક નવું જાણવા-જોવાની તથા પોતાના નોલેજમાં વધારો કરવાના કામમાં લાગી ગયા છે.
વેકેશનમાં પિકનીક, ફિલ્મ, ટીવી જોવું વગેરેની જગ્યાએ ઘણાં યંગસ્ટર્સ એવા છે કે તેઓ વેકેશનની રજાઓનો ભરપૂર ઉપયોગ કરીને કંઈક એકસ્ટ્રા નોલેજ મેળવવાનું પસંદ કરે છે.

ટી. વાય. બીકોમમાં અભ્યાસ કરતો નિશાંત શાહ કહે છે કે, ‘હું વેકેશનમાં ટાઈમ વેસ્ટ કરવાને બદલે સારા પુસ્તકો વાંચવા, વિવિધ કોમ્પીટીટીવ એકઝામની તૈયારી કેવી રીતે કરવી તે જાણવું વગેરે કામ વેકેશનમાં પણ કરતો રહું છું.’ વેકેશનમાં યંગસ્ટર્સ એકસ્ટ્રા ઓર્ડીનરી નોલેજ મેળવવાનું વધારે પસંદ કરે છે. કોલેજોમાં વેકેશન હોવા છતાં શહેરની તથા કોલેજોની લાયબ્રેરીમાંતમને બેસવાની પણ જગ્યા નહીં મળે. શહેરની મોટા ભાગની લાઈબ્રેરીઓમાં ૭૦ ટકા યંગસ્ટર્સ જ જોવા મળશે. ઘણાં યંગસ્ટર્સ વેકેશનમાં પોતાના અભ્યાસક્રમ સિવાયનું જેટલું મેળવી શકાય એટલું જ્ઞાન મેળવવા માટે પ્રયત્ન કરે છે. ટી.વાય. બી.એસસીમાં અભ્યાસ કરતી શીતલ પવાર કહે છે કે, ‘આજે કોઈ ફિલ્ડમાં માત્ર ડિગ્સીથી નથી ચાલતું. ડિગ્રીની સાથે સાથે જનરલ નોલેજ હોવું પણ એટલું જ જરૂરી છે. તેથી હું વેકેશનમાં મારો મોટાભાગનો ટાઈમ જનરલ નોલેજ મેળવવા પાછળ આપું છું.’ ઘણાં યંગસ્ટર્સ એવા પણ છે જેઓ સાયન્સની લાઈનમાં હોવા છતાં સાહિત્યમાં રસ દાખવતા હોય છે. તેઓ વેકેશનમાં લાઈબ્રેરીમાં જઈને કે બહારથી પુસ્તકો ખરીદીને વેકેશનમાં પોતાનો શોખ પૂરો કરે છે. એમ.બી.એ.માં અભ્યાસ રતો રાકેશ પટેલ કહે છે કે, ‘હું વેકેશનમાં મોટાભાગનો સમય લાઈબ્રેરીમાં વિતાવું છું. જેને કારણે મને સારા પુસ્તકો પણ મળી રહે છે અને નવા ફ્રેન્ડસ પણ મળે છે.’ વેકેશનમાં આવી રીતે ઘણાં યંગસ્ટર્સ પોતાના ફેમેલીની જવાબદારી પ્રત્યે પણ ઘ્યાન આપવાની સાથે કંઈક એકસ્ટ્રા મેળવવાનું પસંદ કરે છે.
તસ્વીર : સુરેશ મિસ્ત્રી