આ મેળામાં લોયલા સ્કૂલના ૩૫૦ બાળકોએ ૪૦ સ્ટોલ ઊભા કરીને સ્લમ વિસ્તારના બાળકો માટે રમતો અને ઇનામોની વ્યવસ્થા કરી હતી. આ આનંદ મેળામાં ગરીબના બાળકોને લોયલા સ્કૂલના બાળકોએ વિવિધ પ્રકારની વસ્તુઓ ભેટમાં આપી હતી.
સેન્ટ ઝેવિયર્સ હાઈસ્કુલ,લોયેલા ખાતે શાળાના બાળકોએ એક દિવસ તેમની શાળામાં સ્લમ વિસ્તારના બાળકોને બોલાવીને એક દિવસ તેમની સાથે ગાળ્યો હતો.
જેઓ માટે પોતાનું બાળપણ માણવું એ એક સ્વપ્ન છે. એવા બાળકોએ આનંદમેળામાં વિવિધ રમતો રમી અને ઇનામો મેળવ્યા હતા. ઇન્દિરાનગરના સ્લમ વિસ્તારમાં રહેતી કોમલ વાઘેલા કહે છે કે, અમે ક્યારેય રમકડાં પણ જોયા નથી ત્યારે લોયલા સ્કૂલના બાળકોએ અમારા માટે આનંદમેળામાં જે રમતો રમાડી અને ઇનામો આપ્યા તેનાથી હું ખૂબ જ ખૂશ છું.
લોયલા સ્કૂલના બાળકોએ પોતાના પૈસાથી ગરીબ વર્ગના બાળકોને ઇનામો આપ્યા હતા. લોયલા સ્કૂલમાં અભ્યાસ કરતી ક્ષમા શાહ કહે છે કે, અમે આ બાળકોને પેન્સિલ, ચોકલેટ, રમકડાઓ વગેરે આપ્યા છે.
જેનાથી અમને પણ કંઇક કન્ટ્રીબ્યૂટ કરવાનો આનંદ મળ્યો હતો. આ ઉપરાંત બાળકોએ સરકસ, સાંસ્કૃતિક કાર્યક્રમ અને સમૂહ ભોજનનો પણ આનંદ માણ્યો હતો અને છેલ્લે આઇસક્રીમની મજા માણીને બાળકો બાળદિનની યાદો સમેટીને છૂટા પડયા હતા.
તસ્વીર : સુરેશ મિસ્ત્રી
No comments:
Post a Comment