ટીવી ચેનલોનું સેલ્ફ રેગ્યુલેશન હોવું જોઇએઃ આશા પારેખ

સીટી પલ્સ ઇન્સ્ટિટયૂટ ઓફ ફિલ્મ્સ એન્ડ ટેલિવિઝન દ્વારા ગાંધીનગર ખાતે ભારતના સંગીત વારસાને રજૂ કરતા 'બાજા ગાજા ફિલ્મ ફેસ્ટિવલ'નું ઉદ્ઘાટન કરવા માટે આવેલા પ્રથમ ગુજરાતી સુપરસ્ટાર અને ભારતીય ફિલ્મ સેન્સર બોર્ડના ભૂતપૂર્વ અધ્યક્ષ આશા પારેખે આજની ફિલ્મો વિશે પોતાના વિચારો વ્યક્ત કર્યા હતા.


રિયાલિટી શો વેસ્ટર્ન કલ્ચર પર આધારિત હોવાથી આપણી સંસ્કૃતિ અને સભ્યતા માટે આવા શો બરોબર નથી.

ગુજરાતી પોશાકમાં સજ્જ આસા પારેખે રિયાલિટી શો વિશે ગુજરાતીમાં જ મન મૂકીને વાત કરી હતી. આશા પારેખે કહ્યું કે ટીવી પર દર્શાવવામાં આવતા રિયાલિટી શો પર સેન્સર હોવું જોઇએ. પ્રાઇમ ટાઇમમાં આવા શો દેખાડવા જોઇએ નહીં. રિયાલિટી શો વેસ્ટર્ન કલ્ચર પર આધારિત હોવાથી આપણી સંસ્કૃતિ અને સભ્યતા માટે આવા શો બરોબર નથી.બીજી તરફ ટીવી ચેનલોનું સેલ્ફ રેગ્યુલેશન પણ હોવું જોઇએ.
ફિલ્મો વિશે વધુ વાત કરતા આશા પારેખે કહ્યું કે આજની ફિલ્મો ગ્લોબલાઇઝ બને છે. ફિલ્મોનું શૂટિંગ વિદેશમાં કરવામાં આવે છે, અને અંગ્રેજીનો ઉપયોગ વધી ગયો છે. ત્યારે કેટલીક સારી ફિલ્મો જે રિલીજ થઇ શકતી નથી તે ફિલ્મો દર્શકોને આવા ફેસ્ટિવલમાં જોવા મળે છે. તેથી દરેક જગ્યાએ ફિલ્મ ફેસ્ટિવલનું વધારેમાં વધારે આયોજન કરવું જોઇએ.
તસ્વીર : સુરેશ મિસ્ત્રી