વિદેશની તક ઠુકરાવી ગામડા ભણી કારકિર્દી બનાવી

આજે યુવાનો એજ્યુકેશન મેળવીને મોટી ઓફરો સાથે વિદેશમાં સેટ થવા માટે પ્રયત્નો કરી રહ્યા છે. ત્યારે પાલિતાણા નજીક આવેલા પીઠલપુર ગામના ૩૦ વર્ષના પ્રતિપાલસિંહ ગોહિલે યુવાનોને સુંદર મજાનું ઉદાહરણ પૂરું પાડયું છે. સેન્ટ ઝેવિયર્સ લોયલા કોલેજ અમદાવાદમાંથી માસ્ટર ઓફ સાયન્સની પદવી મેળવ્યા પછી પ્રતિપાલસિંહ કોઇ કંપનીમાં જોબ કરવાને બદલે પોતાના બાપદાદાનો વારસો સચવાય તથા ગામડાના ખેડૂતોમાં અવેરનેસ લાવવાના હેતુથી ખેતી કરવાનું પસંદ કર્યું.

માસ્ટર ઓફ સાયન્સનો અભ્યાસ કરીને વિદેશની તક છોડીને પાલિતાણા નજીકના પીઠલપુર ગામના ૩૦ વર્ષના પ્રતિપાલસિંહ ગોહિલે પોતાના ગામમાં ખેતીવાડીનું કામ સંભાળ્યું


લોકો કહે છે કે જો ખેતી જ કરવી હતી તો પછી આટલું ભણ્યો શું કામ? ત્યારે પ્રતિપાલસિંહ કહે છે કે, ભારત ખેતી પ્રધાન દેશ હોવા છતાં આજના યુવાનો એજ્યુકેશન લઇને શહેર તરફ વળ્યા છે, જેના કારણે અનેક મુશ્કેલીઓ ઊભી થઇ છે. યુવાનો ખેતી તરફ વળતા થાય અને રૃરલ એરિયાનું સસ્ટેનેબલ ડેવલોપમેન્ટ થાય એ હેતુથી પ્રતિપાલે ખેતી કરવાનું પસંદ કર્યું છે. ગામડાની નેરો માઇન્ડ માનસિકતાને કારણે શરૃઆતમાં તેમને ઘણી મુશ્કેલીઓ પણ પડી હતી. છેલ્લા પાંચ વર્ષથી તે ટકાઉ ખેતી કરે છે. પાંચ વર્ષ પહેલા સારા પેકેજ સાથે જોબની ઓફર અને વિદેશ જવાની તકને ઠુકરાવીને નેટીવ પ્લેસમાં રહેવાની ઇચ્છાને કારણે પ્રતિપાલે એજ્યુકેટેડ ફાર્મર બનવાનું પસંદ કર્યું.
જ્યારે તેમણે ખેતી કરવાની શરૃઆત કરી હતી ત્યારે તેમની પાસે ૭૦ વીઘા સૂકી જમીન હતી. અત્યારે તેમની પાસે ૮૨ વીઘા પિયત જમીન છે. પ્રતિપાલસિંહ કહે છે કે, બિયારણ અને દવાની કંપનીઓ ખેડૂતોને છેતરતી હતી. સ્ટાન્ડર્ડ કંપનીનું બિયારણ ખેડૂતો સુધી પહોંચતુ નહોતું. જેના વિશે મેં ખેડૂતોને અવેર કર્યા. અને છેલ્લા બે વર્ષથી મારા ગામમાં ખેડૂતો સરકારમાન્ય બિયારણ વાપરે છે. તેમનું માનવું છે કે જો સુકા વિસ્તારમાં સરકાર તરફથી પાણી આપવામાં આવે તો જે લોકો ગામડામાંથી શહેરમાં આવે છે એ લોકોનું માઇગ્રેશન થવાનું બંધ થઇ જશે.
રૃરલ ઇન્ડિયાનો ટકાઉ વિકાસ થાય અને યુવાનોને ખેતી તથા પોલિટિક્સમાં રસ લેતા કરવા માટે પ્રતિપાલસિંહે ખેતી કરવાનું પસંદ કરીને આજના યુવાનોને એક નવોજ રસ્તો બનાવ્યો છે, કારણ કે આજે ખેડૂતો સામે થતી છેતરપિંડીને કારણે ખેડૂતોને એજ્યુકેટેડ અને અવેર કરવાની ખાસ્સી જરૃર છે.
તસ્વીર : સુરેશ મિસ્ત્રી