અમે તો અંધ છીએ પણ તમને તો દેખાય છે ને?

 ચાર રસ્તા પર ટ્રાફિકના પોસ્ટર લઇને ઉભેલા અંઘજન મંડળના પ્રજ્ઞાચક્ષુ બાળકોએ ટ્રાફિકના પ્રોબ્લેમને દૂર કરવા માટે પ્રતિકાર કરતું કેમ્પેઇન ચલાવ્યું હતું. આ કેમ્પેઇન દ્વારા કોમન મેનને સેલ્ફ રેગ્યુલેશનનો મેસેજ આપવામાં આવ્યો

અમે તો અંધ છીએ પણ તમને તો દેખાય છે ને ?. આ શબ્દો ચાર રસ્તા પર ટ્રાફિકનું પોસ્ટર લઇને ઉભેલા પ્રજ્ઞાચક્ષુ બાળકોના છે. આ બાળકોએ ટ્રાફિકના પ્રોબ્લેમને દૂર કરવા માટે ચાર રસ્તા પર જઇને ટ્રાફિક કેમ્પેઇન ચલાવ્યું હતું.
 આ અંગે આ કેમ્પેઈનના પ્રણેતા વિપલુભાઇ કહે છે કે, કેનેડાની ટ્રાફિક સિસ્ટમ જોયા પછી મારા મનમાં એક સવાલ થયો કે અહીં કેમ આવી સિસ્ટમ છે. લોકો કેમ આડેધડ વાહનો ચલાવે છે. આ સિસ્ટમને બદલવા માટે પ્રજ્ઞાચક્ષુ બાળકો અને વિકલાંગ બાળકો સાથે મેં ટ્રાફિક કેમ્પેઇન કરવાનું શરૂ કર્યું. આપણી સેફ્ટી આપણાં જ હાથમાં છે.જો કોમન મેનમાં સેલ્ફ રેગ્યુલેશન આવે તો પરિસ્થિતિ જાતે જ સુધરી જશે. અંધ બાળકોને એટલા માટે આ કેમ્પેઇનમાં લેવામાં આવ્યા હતા કે લોકો સમજી શકે કે આ બાળકો તો અંધ છે પરંતુ આપમને તો બઘું દેખાય છે. છતાં પણ શા માટે અંધ બનીને નિયમોનો ભંગ કરીએ છીએ.
આ અંગે પ્રજ્ઞાચક્ષુ બાળકો કહે છે કે, આ કેમ્પેઇન થુ્ર લોકોને અમારે એક મેસેજ આપવો છે કે ટ્રાફિકના નિયમોનું પાલન કરો, ફાયદો તમારો જ છે. રોંગ સાઇડમાં વાહન ના ચલાવવું જોઇએ, બાળકો પ્રજ્ઞાચક્ષુ, વિકલાંગ તથા સિનિયર સિટિઝન જ્યારે રોડ ક્રોસ કરે ત્યારે થોડી વાર ઊભા રહેવું એવો મેસેજ આ કેમ્પેઇન દ્વારા આપવામાં આવ્યો.
 આ કેમ્પેઇનમાં પ્રજ્ઞાચક્ષુ બાળકોની સાથે ડિસેબિલિટી એડવોક્સી ગુ્રપના હેન્ડીકેપ લોકોએ પણ ચાર રસ્તા પર વ્હીલચેરમાં બેસીને ભાગ લીધો હતો. આ હેન્ડીકેપ લોકો એવો મેસેજ આપતા હતા કે અમે તો હાથ પગ ગુમાવ્યા તમે પણ હાથ- પગ ગુમાવશો પછી સમજશો? આ હેન્ડીકેપ બાળકોને જોઇને ટ્રાફિક સિગ્નલ પર ઘણો સારો રિસ્પોન્સ મળ્યો હતો. આ કેમ્પેઇન પ્રતિકાત્મક અને યુનિક કેમ્પેઇન હતંંુ. જેની અસર ડાયરેક્ટ લોકોના મન ઉપર પડી હતી.
 અમદાવાદમાં આ પ્રથમ પ્રતિકારાત્મક ઝૂંબેશ જોવા મળી હતી જેમાં બહુ ટૂંકમાં છતા અસરકારક રીતે ફિઝિકલી ડિસેબલ્ડ બાળકોએ પોતાનો મેસેજ લોકોના મનના ઊંડાણ સુઘી પહોંચાડ્યો હતો.

તસ્વીર- સુરેશ મિસ્ત્રી