સેલના નામે વિશ્વાસની વેચવાલી

એકની સાથે એક ફ્રીથી લઇને એકની સાથે છ કે સાત ફ્રી મળે તેવા સેલ દિવાળીને ઘ્યાનમાં લઇને લાગી ગયા છે. એકની સાથે સાત ફ્રી તો એકની કિંમત કેટલી તો ટેગ પર લખેલું હોય છે એક પેન્ટની કિંમત રૂ.૨૪૦૦,રૂ.૩૦૦૦. ગુજરાત ભલે વેપારીઓનું કેપિટલ હોય પણ અહીંનો સામાન્ય ગ્રાહક ઘણો ભોળો અને નિખાલસ છે.જે તેની દ્રષ્ટિ પર પડતા સેલના લોભામણા પ્રતિિંબબથી તરત જ લલચાઈ જાય છે.
અત્યારે શોપિંગ મોલથી લઇને રસ્તા પરની લારીમાં પણ સેલના પાટીયા લાગેલા છે. ખાસ તો કપડાનો સીઘો સંબંઘ સેલ સાથે છે. કેટલાંક સમજુ ગ્રાહકોમાં એક એવી અવેરનેસ જોવા મળી છે કે તેઓ સેલના હોય તેવી દુકાનો અને શોરૂમમાં જવાનું પસંદ કરતા થઈ રહ્યા છે.
ખાસ કરીને ગામડાના ગ્રાહકોને સેલના નામે છેતરવા માટે શહેરના માર્કેટમાં એક ચોક્કસ પ્રકારના ટાઈટલ્સનો ઉપયોગ કરીને છેતરવામાં આવી રહ્યા છે.


એકની સામે એક ફ્રેીને બદલે કેટલીક દુકાનોમાં એકની સામે સાત ફ્રી સુઘીની કિંમતના કપડા લેતી વખતે અનેક ગ્રાહકો છેતરાય છે. એકની સામે સાત ફ્રી લેવા જતા ગ્રાહકો પાસેથી એક કપડાના સાત ગણા રૂપિયા લેવામાં આવે છે.આ પ્રકારની ખુલ્લેઆમ લૂંટ સામે સરકાર દ્વારા કોઈ પગલા કેમ નથી લેવાતા ?

સેલમાંથી ખરીદી કરતા પિનાકીન વ્યાસ કહે છે કે, એક રીતે જોવા જઇએ તો બઘું સરખું જ છે. કારણ કે તમે સેલમાંથી ૩ હજારની એક વસ્તુની ખરીદી સાથે બે ફ્રી મેળવો છો તે જ વસ્તુ બજારમાં તમને ૩ હજારમાં ૩ મળી રહે છે.
ક્યારેક ગ્રાહકો માત્ર ૯ના અંકની કમાલથી પણ છેતરાઇ જતા હોય છે. માત્ર ૯૯થી શરૂ થઇને ૯૯૯ સુધીની સ્કીમ માર્કેટમાં જોવા મળે છે. ૧૦૦૦ રૂપિયાની વસ્તુ આપણને ૯૯૯માં મળવાથી કોઇ ફર્ક નથી પડતો છતાં પણ માત્ર ૯ની કમાલ ગ્રાહકોને આકર્ષવા માટે સસ્તી સાબિત થાય છે. આ અંગે ગ્રાહક દિનેશભાઇ પ્રજાપતિ કહે છે કે, હકીકતમાં નબળો માલ અથવા જે માલનો ભરાવો થયો હોય તેનો નિકાસ કરવા માટે વેપારીઓ સેલનો સંહારો લેતા હોય છે. પરંતુ નવા સ્ટોકના નામનું તૂત કે શોરૂમ ખાલી કરવાનો છે કે તાત્કાલિક વિદેશ જવાનું છે એવી વાતો કરીને રાતો રાત ભીડ એકઠી કરવાના અનેક કિમીયા ભારતમાં ટોળાં ઉભા કરી દેનારા છે.
બીજી વાત આવે છે બ્રાન્ડની. બ્રાન્ડના નામે યુવાનો અને યુવતીઓ ચપટીમાં છેતરાતી જોવા મળે છે. ઈમ્પોર્ટેટ,બ્રાન્ડેડ જેવા શબ્દો ને ચોરીના માલ સાથે સાંકળીને દિવાળીમાં રોકડી કરનારા પણ સાઈલેન્ટલી વેપાર કરી જાય છે.
છેલ્લે ડિસ્કાઉન્ટ શબ્દ પણ હવે ચવાઈ ગયો છે. ડિસ્કાઉન્ટના નામે ૪૦ ટકા ડિસ્કાઉન્ટથી લઇને ૯૦ ટકા સુધીનું ડિસ્કાઉન્ટ ગ્રાહકોને ઓફર થઈ રહ્યું છે. જેમાં જેટલા ટકા ગ્રાહક ચૂકવે છે તેમાંથી જ આખા શોરૂમનો ખર્ચો નીકળે તેટલો ફાયદો ગ્રાહકોને થતો જોવા મળે છે.
અત્યારે સમાજના મુખ્ય ખરીદાર વર્ગમાં મહિલાઓ અને યુવાનોનો સમાવેશ વઘુ થાય છે. આ બંન્ને પ્રકારના ગ્રાહકોમાં દેખાદેખી અને સ્ટેટસના આઘારે ખરીદી કરનારો વર્ગ ઘણો મોટો હોવાથી શહેરની ગલીએ ગલીએ મફત, ડિસ્કાઉન્ટ, એકની સામે સાત ફ્રી જેવી લોભામણી નહીં પણ લૂંટામણી ઓફરો આજના સામાન્ય ગ્રાહકની દિવાળી બગાડી રહી છે. પણ હકીકત એ છે કે તેમની દિવાળી બગડી કે સુઘરી તે છે ક ઉતરાયણ વખતે ખ્યાલ આવતો હોય છે.
એક સામાન્ય પાંચસો રૂપિયાના પેન્ટ કે ટીશર્ટની કિંમત તેની મૂળ કિંમત કરતા સાત ગણી કેવી રીતે હોઈ શકે. આ અંગે ગ્રાહક સુરક્ષાના કહેવાતા રક્ષકો પણ માતબર ડિસ્કાઉન્ટ લઈને ચૂપ રહે છે.
તસ્વીર : સુરેશ મિસ્ત્રી