અમદાવાદની નિરમા ઇન્સ્ટીટયૂટ અને કલોલ ઇન્સ્ટીટયુટ ઓફ ટેકનોલોજીના સ્ટુડન્સે સૌ પ્રથમ લેટેસ્ટ માઇક્રો કંટ્રોલર આર્ડિનો બોર્ડ પર રીસર્ચ કર્યું છે. જેમાં વિદ્યાર્થીઓએ આર્ડિનો બોર્ડની મદદથી વાયરલેસ સેન્સર નેટવર્ક દ્વારા એડવાન્સ ટ્રાફિક રીઝોલ્યુશન સિસ્ટમ વિકસાવી છે.
આ બોર્ડની મદદથી તેમણે એવું સોફટવેર અને ઇન્સ્ટ્રુમેન્ટ વિકસાવ્યું છે કે જેના દ્વારા આપણે કોમ્પ્યુટર કર્સરને માઉસ વિના જ મુવમેન્ટ કરાવી શકીએ છીએ. એ ઇન્સ્ટ્રુમેન્ટ હાથમાં પકડીએ એટલે હાથની મુવમેન્ટ પ્રમાણે કોમ્પ્યુટર કર્સર પણ મુવમેન્ટ કરશે. એના માટે માઉસની પણ જરૂર પડતી નથી. આ બોર્ડની મદદથી ૧૫ થી ૨૦ ફૂટ દૂર ઉભા રહીને પણ કોમ્પ્યુર કર્સરને મુવમેન્ટ કરાવી શકાય છે. આ અંગે હાર્દિક પંડયા કહે છે કે, ‘અમે અત્યારે ટ્રાફિકની સમસ્યા હલ કરવા માટે આ બોર્ડની મદદથી એડવાન્સ ટ્રાફિક રીઝોલ્યુશન સિસ્ટમ વિકસાવી છે.’ અત્યારે દિવસે ને દિવસે ટ્રાફિકની સમસ્યા વધતી જાય છે. તેથી તેમણે આ બોર્ડમાં એવું સોફટવેર વિકસાવ્યું છે કે ચાર રસ્તા પર જે બાજુ વધારે ટ્રાફિક જામ થતો હોય એ સાઇડને વધારે સમય મળશે. એડવાન્સ ટ્રાફિક રીઝોલ્યુશન સિસ્ટમમાં વાયરલેસ સેન્સર નેટવર્ક સિસ્ટમનો ઉપયોગ કર્યો છે. આ અંગે આદેશ શાહ કહે છે કે, ‘આ બોર્ડ કોમ્પ્યુટર એન્જિનીયરિંગ અને રોબોટિકસના સ્ટુડન્ટ માટે ખૂબ જ ઉપયોગી છે. પંરતુ સ્ટુડન્ટ હજી આ બોર્ડ વિશે અવેર નથી. કોમ્પ્યુટર એન્જિનીયરિંગ અને ઇલેકટ્રીકલ એન્જિનીયરિંગના સ્ટુડન્ટ અવેર થાય એ માટે તેમણે અમદાવાદના વિક્રમસારાભાઈ કોમ્યુનિટી સાયન્સ સેન્ટરમાં એક ખાસ પ્રોગ્રામનું આયોજન કયુ છે.. જેમાં એન્જિનીયરિંગના સ્ટુડન્ટને આ બોર્ડ પર પ્રેકટીકલી કામ કેવી રીતે થાય તે સમજાવવામાં આવી રહ્યું છે.
તસ્વીર : સુરેશ મિસ્ત્રી
No comments:
Post a Comment