કાર ચલાવતી વખતે અમે અમારી વિકલાંગતા ભુલી જઈએ છીએ

અમદાવાદના અંધજન મંડળ દ્વારા રવિવારે એક યુનિક કાર રેલીનું આયોજન કરવામાં આવ્યું છે. આ રેલીમાં કોઇ પણ કાર ચાલક ભાગ લઇ શકશે. અને એ કાર ચાલકને એક બ્લાઇન્ડ નેવિગેટર આપવામાં આવશે. બ્લાઇન્ડ નેવિગેટર બ્રેઇલ લીપીમાં તૈયાર કરવામાં આવેલા નકશામા ંજોઇને કાર ચાલકને જે મુજબ રસ્તો બતાવે તે રસ્તે કાર ચાલકે કાર ચલાવવાની રહેશે. મહત્ત્વની વાત એ છે કે કાર ચાલકને રેલીના રૃટની જાણકારી નથી હોતી. તેથી બ્લાઇન્ડ નેવિગેટર જે રસ્તો બતાવે તે જ રસ્તે કાર ચાલકે કરા ચલાવવાની રહેશે. જેમાં ડ્રાઇળર અને બ્લાઇન્ડ નવેગિેટર વચ્ચેનું જે કોમ્યુનિકેશન છે તે મહત્ત્વનું હોય છે.

પ્રથમ વખત બ્લાઇન્ડ નેવિગેટર સાથે ફિજિકલી ચેલેન્જ ધરાવતા કાર ડ્રાઇવરો કાર રેલીમાં પાર્ટિસિપેટ કરશે. ડિસેબલ લોકોએ પોતાની કારને હાથ વડે ચલાવી શકાય એ માટે ક્ચલ, બ્રેક અને એક્સિલેટરનું મોડિફિકેશન કરાવ્યું છે

આ વખતે આ કાર રેલીમાં બ્લાઇન્ડ નેવિગેટર સાથે ફિજિકલી ચેલન્જ ધરાવતા લોકો પ્રથમ વખત જોડાશે. અને એ માટે તેઓએ કારને ખાસ ડિઝાઇન કરાવી છે. બંને પગે વિકલાંગ સમીર કક્કડ કહે છ કે, મેં બ્લાઇન્ડ નેવિગેટર સાથે કાર રેલીમાં પાર્ટિસિપેટ કરવા માટે મારી કારને મેં જાતે જ ડિઝાઇન કરી છે. મારા ંબને પગ ડિસેબલ હોવાથી મેં ક્લચ, બ્રેક અને એક્સિલેટરને હાથ વડે મેનેજ કરી શકાય એ મુજબ ડિઝાઇન કરી છે. માત્ર નોર્મલ લોકો જ કાર ચલાવી શકે એવું નથી, પણ ડિસેબલ લોકો પણ બધું કરી શકે છે. પ્રથમ વખત કાર રેલીમાં પાર્ટિસિપેટ કરવા માટે કોકીલા ઠક્કરે પણ પોતાની કારનું મોડિફિકેશન કરાવ્યું છે. કોકીલા ઠક્કર કહે છે કે, હું વ્હીલચેઇરને સહારે ફરી શકું છું. અને હવે હું મારા હાથની મદદથી કાર ચલાવીશ. ફિજિકલી ચેલેન્જ ધરાવતા લોકો પોતાની તકલીફ પ્રમાણે કારનું મોડિફિકેશન કરાવે છે. આ અંગે બંને પગે વિકલાંગ અંજન મજેઠિયા કહે છે કે, બ્લાઇન્ડ નેવિગેટર સાથે કાર ચલાવવી એ એક રોચક અનુભવ હશે. અને બીજા ડિસેબલ લોકોને પણ આ રેલીમાંથી પ્રેરણા મળશે.